गजलः साँझ नपर्दै
¤आवाज शर्मा¤
॰
छट्पटिन्छु हरेक पलपल साँझ नपर्दै
त्यसै त्यसै लाग्छ तलतल साँझ नपर्दै
॰
बिर्सूँ भन्दा बिर्सनेकै याद बल्झियो
उस्कै तश्वीर देख्छु झलझल साँझ नपर्दै
॰
कोल्टे फेर्दै बिते मेरा रात बिराना ।
चस्स घोच्छ बिझ्छ मलमल साँझ नपर्दै ।।
॰
उकुसमुकुस हुन्छु जब न्याउली झुराउँछे ।
पसिनाले रुझ्छु खलखल साँझ नपर्दै ।।
॰
माकुरीले जाल बुनेछ हिड्ने बाटोमा ।
जीवन यात्रा भयो दलदल साँझ नपर्दै ।।
09/09/2011
No comments:
Post a Comment