गजलः इर्ष्यालु चाँदनीले

गजलः इर्ष्यालु चाँदनीले
आवाज शर्मा
॰
इर्ष्यालु चाँदनीले तारिफ गरेन तिम्रो
त्यै डाहले झर्‍यो फूल आभा झरेन तिम्रो
॰
कञ्चन् हिमाल जस्तै जादूगरी छ स्पर्श ।
झन् तिर्सना थपिन्छ चाहत मरेन तिम्रो ।।
॰
रिमझिम नशालु आँखा चञ्चल हरिणसरीका ।
आफै ढल्यो सिकारी सामू परेन तिम्रो ।।
॰
यौटा छ ठाउँ बाँकी सृङ्गार अपूर्ण छाड्यो ।
कालीगढी अचम्मै स्युँदो भरेन तिम्रो ।।
॰
सँस्कार उच्च बोकी हिड्छ्यौ कुलीन 'बाला' ।
संघार भित्र बन्दी पाइला सरेन तिम्रो ।।
SSI SISS SSI SISS
23/09/2011