गजलः नौलो नेपाल
¤आवाज शर्मा¤
उस्तै गल्ली उस्तै बाटो फोहोर बग्ने नाला उस्तै ।
उस्तै हाम्रो चल्ने शैली नौलो नेपाल चाला उस्तै ।।
पूरानै छन् लोभी आँखा छुच्चो शैली लुच्चो बानी ।
उस्तै पापी गन्धे चिन्तन टाँचा बेग्लै छाला उस्तै ।।
हाम्रो चिन्तन उस्तै उल्टो तिन्कै खातिर मर्छौ बाँच्छौँ ।
उस्तै रोगी टायर बाल्छौँ उस्तै धर्ना ताला उस्तै ।।
साँचो शान्ती आएको खै ? पार्टी आँफै खूनी पाल्छन् ।
उस्तै बन्दुक बोकेका छन् लाठी बर्छा भाला उस्तै ।।
लाखूलाई लिस्नो जस्तै पापीलाई मौका दिन्छौ ।
उस्तै आशा राख्दै पुज्छौँ उन्छौ दूबो माला उस्तै ।।
आशा दीयो निभ्नै लाग्यो हाम्रा आँखा कैले खुल्लान् ?
उस्तै भावी पुस्ता होलान् औसी झै रात काला उस्तै ।।
बहरः
मुतदारिक मुसम्मन् मक्तुअ मुदाइफ
सूत्र - (मुस्तफ्फैलुन् x 4, SSSS x 4)
गजलः मैले सहेँ
गजलः मैले सहेँ
¤ आवाज सर्मा¤
बेला भन्दा छिटो कुद्यौ, ताते भन्यौ मैले सहेँ ।
आफै बोल्यौ सुनेँ मात्र बाते भन्यौ मैले सहेँ ।।
माग्नुमाग्यौ सके जति दिएकै हूँ
खुशीसाथ ।
तिर्नुपर्ने बेला आयो खाते भन्यौ मैले
सहेँ ।।
तिम्रा अनेक छलकपट बुझेपनि चुप बसेँ ।
आफै जान्ने बन्यौ फेरी भाते भन्यौ मैले सहेँ ।।
तिमी बिना गाह्रो भन्यौ दुख पर्दा ओत दिएँ ।
घाम पानी छलेपछि छाते भन्यौ मैले सहेँ ।।
जवानीको गाह्रो बाटो यही हातको भर
काट्यौ ।
अर्कै दह्रो भ -याङ भेट्यौ पाते भन्यौ मैले सहेँ ।।
¤ आवाज सर्मा¤
बेला भन्दा छिटो कुद्यौ, ताते भन्यौ मैले सहेँ ।
आफै बोल्यौ सुनेँ मात्र बाते भन्यौ मैले सहेँ ।।
माग्नुमाग्यौ सके जति दिएकै हूँ
खुशीसाथ ।
तिर्नुपर्ने बेला आयो खाते भन्यौ मैले
सहेँ ।।
तिम्रा अनेक छलकपट बुझेपनि चुप बसेँ ।
आफै जान्ने बन्यौ फेरी भाते भन्यौ मैले सहेँ ।।
तिमी बिना गाह्रो भन्यौ दुख पर्दा ओत दिएँ ।
घाम पानी छलेपछि छाते भन्यौ मैले सहेँ ।।
जवानीको गाह्रो बाटो यही हातको भर
काट्यौ ।
अर्कै दह्रो भ -याङ भेट्यौ पाते भन्यौ मैले सहेँ ।।
गजलः नसोचेको मोड
गजलः नसोचेको मोड
¤ आवाज शर्मा¤
नसोचेको दुःखी मोड आयो विचारमा ।
माया गर्ने आफ्नै मुटु पर्यो सिकारमा ।।
कोपिलामा चढ्दैथियो रंग जवानीको ।
अनयासै दम्भ चढ्यो तिम्रो श्रृँगारमा ।।
कुनै मीठो धुन बज्दै थियो हृदयको ।
बज्दा बज्दै तार टुट्यो मेरो सितारमा ।।
नभेटिने दूरी बन्यो हामी दुई माझ ।
रंगिएसी पराइको टिका निधारमा ।।
सँगैसँगै तर्नु थियो खोली जिन्दगीको ।
तिमी पारी पुग्यौ एक्लै म छु किनारमा ।।
¤ आवाज शर्मा¤
नसोचेको दुःखी मोड आयो विचारमा ।
माया गर्ने आफ्नै मुटु पर्यो सिकारमा ।।
कोपिलामा चढ्दैथियो रंग जवानीको ।
अनयासै दम्भ चढ्यो तिम्रो श्रृँगारमा ।।
कुनै मीठो धुन बज्दै थियो हृदयको ।
बज्दा बज्दै तार टुट्यो मेरो सितारमा ।।
नभेटिने दूरी बन्यो हामी दुई माझ ।
रंगिएसी पराइको टिका निधारमा ।।
सँगैसँगै तर्नु थियो खोली जिन्दगीको ।
तिमी पारी पुग्यौ एक्लै म छु किनारमा ।।
गजलः कहिलेकाँही
गजलः कहिलेकाँही
¤आवाज शर्मा¤
मनै त हो वेदनाले तोडिन्छ यो कहिलेकाँही ।
आफै भन्दा कतै टाढा छोडिन्छ यो कहिलेकाँही ।।
सँधै सोझो कहाँ हुन्छ जिन्दगीको लामो यात्रा ?
कहीँ बाटो बिराएर मोडिन्छ यो कहिलेकाँही ।।
आसुँसँगै झर्नु पर्छ, व्यथासँगै जल्नुपर्छ ।
तीतामीठा पलसँगै गोडिन्छ यो कहिलेकाँही ।।
गाह्रो हुन्छ चिन्न पनि को बिरानो को आफन्त ।
झर्याम्म भै सीसासरी फोडिन्छ यो कहिलेकाँही ।।
भत्किएको साँघु जस्तो हुन्न रै छ मन
भन्नु ।
पलाएर अलिकति जोडिन्छ यो कहिलेकाँही ।।
¤आवाज शर्मा¤
मनै त हो वेदनाले तोडिन्छ यो कहिलेकाँही ।
आफै भन्दा कतै टाढा छोडिन्छ यो कहिलेकाँही ।।
सँधै सोझो कहाँ हुन्छ जिन्दगीको लामो यात्रा ?
कहीँ बाटो बिराएर मोडिन्छ यो कहिलेकाँही ।।
आसुँसँगै झर्नु पर्छ, व्यथासँगै जल्नुपर्छ ।
तीतामीठा पलसँगै गोडिन्छ यो कहिलेकाँही ।।
गाह्रो हुन्छ चिन्न पनि को बिरानो को आफन्त ।
झर्याम्म भै सीसासरी फोडिन्छ यो कहिलेकाँही ।।
भत्किएको साँघु जस्तो हुन्न रै छ मन
भन्नु ।
पलाएर अलिकति जोडिन्छ यो कहिलेकाँही ।।
गजलः फेरि रातको कुरा
गजलः फेरी रातको कुरा
¤ आवाज शर्मा¤
उज्यालोमा जिउँछु म फेरी रातको कुरा किन ?
विश्वासमा जिउँछु म फेरी घातको कुरा किन ?
म खोज्दिनँ उनका हरेक इशारामा नशा चढोस् ,
समर्पणमा जिउँछु म फेरी मातको कुरा किन ?
जति थिए हामी बीच पर्खाल सबै ढलेका छन् ।
पिरतीमा जिउँछु म फेरी जातको कुरा किन ?
किन खोजूँ झरिजाने पहेलपूरे पोथ्राहरू ?
पालुवामा जिउँछु म फेरी पातको कुरा किन ?
¤ आवाज शर्मा¤
उज्यालोमा जिउँछु म फेरी रातको कुरा किन ?
विश्वासमा जिउँछु म फेरी घातको कुरा किन ?
म खोज्दिनँ उनका हरेक इशारामा नशा चढोस् ,
समर्पणमा जिउँछु म फेरी मातको कुरा किन ?
जति थिए हामी बीच पर्खाल सबै ढलेका छन् ।
पिरतीमा जिउँछु म फेरी जातको कुरा किन ?
किन खोजूँ झरिजाने पहेलपूरे पोथ्राहरू ?
पालुवामा जिउँछु म फेरी पातको कुरा किन ?
Subscribe to:
Posts (Atom)