गजलः झर्दै नझर्ने फूल
¤आवाज शर्मा¤
॰
झर्दै नझर्ने फूल जस्तै भावना
कैलै नमर्ने प्रीत हाम्रो कामना
॰
हामी नजागी क्रान्ति पक्कै हुन्न है
अमर शहीद भै कीर्ति राख्ने चाहना
॰
यी हात हुन्छन् मुक्त टुट्छन् हत्कडी
आऊ नहारौँ युद्ध अर्को याचना
॰
धर्ती उज्यालो हुन्छ नौलो ज्योतिले
पार्दिन्छु आकास मुग्ध छर्दै बासना
॰
प्रत्येक मोर्चाबाट आवाज उर्लियो
भेट्नेछु पक्कै लक्ष्य थालेँ साधना
SSIS SSIS SSIS
08/09/2011
No comments:
Post a Comment