गजलः देख्छु सानूलाई
¤आवाज शर्मा¤
॰
ऋतु सङ्गै फेरिएको देख्छु सानूलाई ।
भूमरीमा घेरिएको देख्छु सानूलाई ।।
॰
मैले काँडा भाँच्न खोज्दा भो कठै भो भन्थिन् ।
फूल चुँड्दा हेरिएको देख्छु सानूलाई ।।
॰
पढ्न भन्थ्यौ जिन्दगीका पत्र पल्टाएर ।
क्यै नबुझ्ने केरिएको देख्छु सानूलाई ।।
॰
घाउ लाग्दा मुस्कुराउछिन् आँशु देखाउन्नन्
त्यै खुशीमा सेरिएको देख्छु सानूलाई ।।
॰
साँझ पर्दा दीप बाली धूप सल्काए नि ।
त्यै धुँवा झैँ बेरिएको देख्छु सानूलाई ।।
SISS SISS SISS SS
15/09/2011
No comments:
Post a Comment