गजलः बानी सरेन तिम्रो
¤आवाज शर्मा¤
॰
मौका हजार पायौ बानी सरेन तिम्रो ।
झुक्याउँदै रमायौ तृष्णा मरेन तिम्रो ।।
॰
भन्दै महान जनता तिन्कै करङ चढेर ।
निर्लज्ज लुट्न सक्ने धुर्त्याँइ झरेन तिम्रो ।।
॰
सत्ता नपाउँदामा सुस्ता पुगेर बास्छौ ।
मन्त्री हुँदा सिमामा आँखा परेन तिम्रो ।।
॰
गर्दै झुटा बहाना भोकाहरू फँसाई ।
खेल्दा नि भावनामा खाँचो टरेन तिम्रो ।।
॰
बेचेर राष्ट्रिएता गर्दै अनेक कुकर्म ।
दौलत अकूत थुपार्र्यौ धोक्रो भरेन तिम्रो ।।
SSI SISS SSI SISS
छन्दः दिक्पाल
13/09/2011
No comments:
Post a Comment