गजलः सपना जलेपछि

गजलः सपना जलेपछि
¤आवाज शर्मा¤
॰
अनयास यी सपना जले पछिका कुरा ।
भो नसोध भो पिउँदै ढले पछिका कुरा ।।
॰
जिउने मजा यसरी लिएँ कसरी भनूँ ?
अझ झन् छुरा मुटुमा चले पछिका कुरा ।।
॰
न त लालिमा न भयो उषा न छ आश क्यै ।
छ उही निशा जुनले छले पछिका कुरा ।।
॰
अनुभूतिको मरुभूमिमा म कहालिएँ ।
सपनाभरी असिना फले पछिका कुरा ।।
॰
कुहिरोसरी छ जताततै किन हो किन ।
मुटुमा धुवाँ छ चिराग बले पछिका कुरा।।

17/09/2011
बहरेः कामिल
IISIS IISIS IISIS