गजलः हररात सपनीमा

गजलः हररात सपनी
¤ आवाज शर्मा¤

हररात सपनीमा आउँछ्यौ र रुवाउँछ्यौ ।
बर्सिरन्छन् मोतिदाना तिमी त्यहीँ नुहाउँछ्यौ ।।

फकाउँछ्यौ फुल्याउँछ्यौ मोहनीले झुलाउँछ्यौ ।
जुनी जुनी नछुटिने बाचाकसम खुवाउँछ्यौ ।।

नभेटिने आकास हुन्छ नमेटिने तृष्णा अझै ।
गुलाफको फूल देखाई चस्स काँढा छुवाउँछ्यौ ।।

ब्युँझिएर खोज्छु कतै अनयासै हराउँछ्यौ ।
थाहै पाइनँ कहाँ लुकाऊँ तिमी कहाँ सुहाउँछ्यौ ।।

16/03/2011