गजलः जरीना
¤ आवाज शर्मा¤
मेरो पुराण जस्तै हो तिम्रो नमाज जरीना ।
मेरो संस्कार जस्तै हो तिम्रो रिवाज जरीना ।।
पन्क्षी कमजोर भएमा मात्रै बाँधिने हैन र ?
मेरो पिञ्जडा जस्तै हो तिम्रो समाज जरीना ।।
खोजे भेटिन्छन् प्रशस्तै मेरा ढुक्ढुकी पत्रमा ।
मेरो हृदय जस्तै हो तिम्रो दराज जरीना ।।
कस्ले छुटाउन सक्ला र ? मृत्यु हार्छ रे प्रेममा ।
मेरो आशंका जस्तै हो तिम्रो अन्दाज जरीना ।।
हरेक लडाइँ जित्छु म मात्र तिमीले बोल्नुछ ।
मेरो तरवार जस्तै हो तिम्रो 'आवाज' जरीना ।।
16/03/2011
No comments:
Post a Comment