गजलः ऊ र समय
¤आवाज शर्मा¤
जोसँग छ, आँट उतै, बिजय भेटिन्छ ।
जित्नेकै त, पछिपछि, समय भेटिन्छ ।।
कति बहस्, चलाइए, बिना प्रशंगमा ।
भरिएको, प्यालासँगै, बिषय भेटिन्छ ।।
तिम्ले अर्थ, कहाँ बुझ्यौ, मौन इशाराको ?
उसका हरेक, मौनतामा, निश्चय भेटिन्छ ।।
सिकाएछौ, संस्कार ठूलो , तिमी गरिब हैनौ ।
त्यहाँ हरेक, चालभित्र, विनय भेटिन्छ ।।
हजार चोटि, मरिसकिस्, ए लाचार मान्छे ।
फेरि किन, मर्छु भन्ने, यो भय भेटिन्छ ।।
नलेखेर, पो त उस्ले, लेख्नु मात्र पर्छ ।
शब्दसँगै, आवाजको, यो लय भेटिन्छ ।।
(लयः 4/4/6=14)
28/03/2067
No comments:
Post a Comment