गजलः प्रकाश नखोज

गजलः प्रकाश नखोज
¤आवाज शर्मा¤

डुबेको जूनमा, प्रकाश नखोज ।
म धर्ती दिन्छु भो, आकास नखोज ।।

यो माटो जिन्दगी, आस्था र भविष्य ।
छ आफ्नै आँगनी प्रबास नखोज ।।

लेकाली फूलको माया छ पवित्र ।
फँसिन्छौ नक्कली विश्वास नखोज ।।

सितल् यो ओजिलो छाती छ म संगै ।
बिरानो धूपको संन्त्रास नखोज ।।

जित्यौँ यो युद्धमा सम्हाल्नु छ प्राप्ति
पराजित् बन्नुको आभाष नखोज ।।

बहरे करीब मुसद्दस मख्बून
ISSS ISSS IISS
लयः (3+3)+(3+3)=12
29/03/2011