गजलः सरक्कै सर्की
¤आवाज शर्मा¤
बदल्दै चाला सरक्क सर्की ।
इशारा गर्थी लरक्कै लर्की ।।
नचिन्ने जस्तै बहाना पारी ।
बोलाएँ मैले तरक्कै तर्की ।।
नभाका चर्चा चलायो कल्ले ।
नबोल्दै केही जरक्कै जर्की ।।
मनै हो आखिर दुखाए दुख्छ ।
सिसाको झ्यालझै चरक्क चर्की ।।
म आफ्नै बाटो नबोली फर्केँ ।
रुँला झै गर्दै दरक्कै दर्की ।।
बिहानी आकास खुले झै हाँसी ।
जित्यौ भो भन्दै फरक्क फर्की ।।
20/03/2011
No comments:
Post a Comment