गजलः आज फेरि पनि

गजलः आज फेरि पनि
¤आवाज शर्मा¤

झझल्कोमा तप्प आँशु खस्यो आज फेरि पनि ।
निस्सासिँदो सम्झनाले कस्यो आज फेरि पनि ।।

जून थियो लाखौँ लाख तारा थिए आकासमा ।
जस्लाई रोजेँ त्यही तारा खस्यो आज फेरि पनि ।।

बल्झिएको घाउ थियो अल्झिएको झिनो आशा ।
त्यही आशा बिषालु भै डस्यो आज फेरि पनि ।।

भुलूँ भन्छु कति कुरा अझै गाढा हुन्छन् किन ।
छातीभित्रै शूल बनी बस्यो आज फेरि पनि ।।

भन्नै पर्ने थिए कति शब्द कहाँ कहाँ दुखे ।
मेरो आवाज भुमरीमा पस्यो आज फेरि पनि ।।
14/04/2011
नयाँ वर्ष-2068