गजलः जिन्दगीमा
¤आवाज शर्मा¤
अञ्जुलीमा आँशु थापी गीत गाएँ जिन्दगीको
लालिमाको आश राखी प्रीत लाएँ जिन्दगीको
अनयासै आश टुट्दा घाइते भो पुष्पडाली
कोपिलामै झर्नुपर्ने शीत खाएँ जिन्दगीको
बाँध बाँधी रोकिदैनन् तिर्सनाका भेलबाढी
आँशुहाँसो रै छ जीवन रीत चाहेँ जिन्दगीको
पौरखीले बुझ्नुपर्ने रै छ आफ्नै श्रम के हो
बल्ल आफ्नै पाखुरी भै मीत आएँ जिन्दगीको
लेखिएको भाग्य भन्दै छेकिएथ्यो मूलबाटो
कर्म रोजी मुक्ति खोज्दा जीत पाएँ जिन्दगीको
20/01/2011
No comments:
Post a Comment