गजलः उस्तै छ
¤आवाज शर्मा¤
उस्तै छ यो रीति सँस्कार उस्तै छ ।
उस्तै छ सोचाइ संसार उस्तै छ ।।
आदर्श फोहोर छ विश्वास घायल छ ।
उस्तै छ प्रहार संहार उस्तै छ ।।
फाँसी म चढ्दैछु दोषी छ उन्मुक्त ।
उस्तै छ कानून संभार उस्तै छ ।।
बेचेर मातृत्व पालिन्छ जो भ्रष्ट ।
उस्तै छ प्रशस्ती संचार उस्तै छ ।।
पुग्नै छ गन्तब्य टाढा र आँधी छ ।
उस्तै छ बाटो र संघार उस्तै छ ।।
बहरे हजज मुसम्मन अखरब
छन्दः सारङ
23/05/2011
No comments:
Post a Comment