गजलः कहाँ होला

गजलः कहाँ होला ?
¤आवाज शर्मा¤

आफ्नै मन भन्दा ठूलो खूनी सैतान कहाँ होला ?
म खोज्दैछु त्यही मन चिन्ने विद्वान कहाँ होला ??

साह्रै रीस उठेको छ भेटे देखि झाँको झार्थेँ ।
असमान भाग्य लेख्ने भावी बैमान कहाँ होला ?

बाटो उस्तै घुम्ती हो कि मेरो भाग्य घुमेको हो ?
लक्ष्य देख्छु अल्मलिन्छु म झै अञ्जान कहाँ होला ?

तिमी भन्छौ सजिलै छ, एउटा स्वप्न टुटेपनि ।
फेरि अर्को सजाउन किन्ने दोकान कहाँ होला ??

पराइले छल गरेमा सयौँ बाटा जोगिनैलाई ।
आफैसँग बच्न सकोस् त्यस्तो महान कहाँ होला ??
24/05/2012

No comments:

Post a Comment