गजलः यो गरूँला त्यो गरूँला

गजलः यो गरूँला
¤आवाज शर्मा¤
॰
यो गरूँला त्यो गरूँला स्वप्न ठूला ठूला थिए ।
आज चित्ता माथि बस्दा ती दुबै हात खुला थिए ।।
॰
हो, कसैको आश टुट्यो र कसैको गास छुट्यो ।
यता चित्ता जल्दै गर्दा उता चिसा चुला थिए ।।
॰
हिजोसम्म दुनियाँको सामू झुक्दै बाच्नुपर्थ्यो ।
आज ऊ नै माथि थियो अरू भैँका धुला थिए ।।
॰
उस्ले जित्यो मृत्युलाई अब मर्नु पर्दैन ऊ ।
ऊ शान्त र स्थिर थियो अरूका पाउ लुला थिए ।
12/05/2012