गजलः किन होला ?

गजलः किन होला ?
¤आवाज शर्मा¤

बोल्न पा'को छैन अझै मनले खा'को किन होला ?
जति बिर्सूँ भन्छु उस्कै याद आ'को किन होला ??

नजिक जाऊँ तर्किहाल्छे, बोल्न खोज्यो झर्किहाल्छे ।
नदेखे सास फेर्नै गाह्रो यस्तो भा'को किन होला ??

आफ्ना गाई गोठमैँ छन् बाख्रापाठा चोटामैँ छन् ।
बिनासित्ती लुकी लुकी बेँसी धा'को किन होला ??

बाटो ढुकूँ ढुकूँ लाग्ने. देखे लुकूँ लुकूँ लाग्ने ।
क्यै इशारा हो कि त झैँ पात बजा'को किन होला ??

सुरै छाडे सरी हिड्छु, बिना बित्थै छटपटिन्छु ।
'बाला' मनै दोमन हुने, के बिमारी ला'को होला ??
19/05/2012

No comments:

Post a Comment