गजलः खण्डहर नयाँ नयाँ
¤आवाज शर्मा¤
॰
भेट्छौँ जहाँ विवेकका यी खण्डहर नयाँ नयाँ ।
बन्छन् त्यहीँ अमानवी ठूला शहर नयाँ नयाँ ।।
॰
पासै न हो, र माकुरी बुन्दैछ जाल फँसाउन ।
ऊ माहुरी फँस्यो बरै पाल्दै रहर नयाँ नयाँ ।।
॰
देख्दैछु त्यो, तिमी, म, ऊ, हामी सबै जहीँतहीँ ।
तृष्णा छ यो अचम्मको पिउँछौँ जहर नयाँ नयाँ ।।
॰
देखिन्छ जे अगाडि नै, भेटिन्न त्यो यथार्थमा ।
हामी सबै रहस्यका हौँ अंश-हर नयाँ नयाँ ।।
॰
आवाज धरी कहालिँदो, हूचील सँधै कराउँछ ।
भोग्नै छ झन, अझै अनेक काला प्रहर नयाँ नयाँ ।।
SSIS ISIS SSIS ISIS
बहरः रजज मुसम्मन मख्बून
19/05/2012
No comments:
Post a Comment