गजलः नेपालीको
¤आवाज शर्मा¤
॰
सीमा मिच्यो दशगजामा बास थियो नेपालीको ।
पसिनाको कमाइ लुट्यो गास थियो नेपालीको ।।
॰
हत्कडी हो फेरिएको मात्र जेल हो सारिएको ।
साँच्चै रिहा हुन्छु भन्ने आश थियो नेपालीको ।।
॰
मझधारमा पुग्दैखेरी जानाजानी डुँगा डुब्यो ।
मर्यो भनी छाडेपनि सास थियो नेपालीको ।।
॰
केटाकेटी जस्तै गरी आगो खेले रमितेले।
घर जलेर खरानीको रास थियो नेपालीको ।।
॰
खस मधेसी जनजातीको भोज चल्दै थियो यता ।
त्यहीँ कतै छियाछिया लास थियो नेपालीको ।।
14/07/2011
No comments:
Post a Comment