गजलः तलास हूँ

गजलः तलास हूँ
¤आवाज शर्मा¤

कस्तुरी म खोजिएर नटुङ्गिने तलास हूँ ।
साथ हुन्छु छुन्छु चुम्छु नदेखिने बतास हूँ ।।

पलाउँदा छट्पटी र उकुस मुकुस नजानिदो
सुस्त सुस्त नीँद खोस्छु बिझाउने कपास हूँ ।

लक्ष्य आफ्नु प्राप्ति आफ्नु खुशी छु यै अभावमा
रातमा नि चम्किरहने म जूनकिरी प्रकास हूँ

भमराको भोग्य वस्तु हुने रहर ममा कहाँ ?
भित्र लुक्छु हो देखिन्नँ पलाँसको सुवास हूँ ।

जिन्दगीको दीप बाल्छु म हुन्छु हर रहरभरि
बाँचेसम्म साथ दिन्छु म आश हूँ म स्वास हूँ ।
20/07/2011