गजलः उजेलीलाई
¤आवाज शर्मा¤
॰
कता छोपूँ उदाएको, उषा लाली उजेलीलाई ।
यसै गाली गर्यौ ब्यर्थै, बिहानीको जुरेलीलाई ।।
॰
दुवालीमा के छेकिन्थ्यो, पहाड फोड्ने नदीको बेग् ।
तिमी छेक्ने हिसाब गर्छौ, नदी गर्जन सुसेलीलाई ।।
॰
उमेर संगै सुवास चढ्दा, सयौँ आशा यसै बढ्छन् ।
नफुल बास्ना नछर भन्छौ, बगैचाकी चमेलीलाई ।।
॰
नबुझ्दा नै थियो जाती, बुझेँ उल्टै दुख्यो छाती ।
जवानीमा नसुल्झेका सयौँ तिम्रा पहेलीलाई ।।
ISSS ISSS ISSS ISSS
बहरे हजज
छन्दः विधाता
30/07/2011
No comments:
Post a Comment