गजलः गजल भयो
¤आवाज शर्मा¤
.
चुपचाप चुपचाप ठूलै दहल फसल भयो ।
भयो मौन हस्तक्षेप निजत्वमा दखल भयो ।।
॰
कतै तर्के बहानामा झुके आँखा कतै कतै।
थियो केही एक अर्कामा अझै चासो अटल भयो ।।
॰
जुर्मुराए रहरहरू बन्द ओँठ भित्रै गुम्से ।
आँखाहरू नजानिदो जुधे नयाँ पहल भयो ।।
॰
गरिब छन् रे शब्दहरू चाहनाका अर्थभन्दा ।
चुपचाप सम्झौता भो हिउँ पग्ल्यो तरल भयो ।।
॰
उसले सोधी भित्र कतै गुञ्जिदैछ सुन्यौ आवाज ?
मैले केवल ओँठ खोलेँ उसले भनी गजल भयो ।।
04/07/2011
No comments:
Post a Comment