गजलः नभेटिन सक्छ
¤आवाज शर्मा¤
बह जम्ने मनको खाडल नभेटिन सक्छ ।
वर्षा हुन्छ तर बादल नभेटिन सक्छ ।
हरेक पटक निशानामै तीर चलेको छ ।
भित्री घाउ हो बाहिर घायल नभेटिन सक्छ ।।
हरेक साँझ प्रतिक्षामा नबर्सिनू आँखा ।
सँधै आशु पुछ्ने आँचल नभेटिन सक्छ ।।
म नै रुन्छु तिमी नरोऊ श्रृङ्गार बिग्रिएला ।
त्यो आँखामा मिल्ने गाजल नभेटिन सक्छ ।।
चुँडिएको मन जोड्न सक्छौ भने जोड ।
यति माया गर्ने पागल नभेटिन सक्छ ।।
30/06/2011
No comments:
Post a Comment