गजलः बल्न बाँकी के छ

गजलः जल्न बाँकी के छ ?
¤आवाज शर्मा¤

उम्लिएका आँशु झर्छन् जल्न बाँकी के छ ?
ढुक्ढुकीमै बल्छ आगो बल्न बाँकी के छ ??

पूर्णिमाको जून हो कि रात पग्ली झर्छ ।
साँझ संगै आश ढल्छन् ढल्न बाँकी के छ??

घात धोका चल्छ उस्तै चल्छ खोटो नोट ।
सत्य मात्रै चल्न छाड्यो चल्न बाँकी के छ ??

जिन्दगीमा जे छ आफ्नो फेरि बाजी राख्छु ।
चाल उस्कै दाउ उस्कै छल्न बाँकी के छ??

उम्लिएका आँशु झर्छन् जल्न बाँकी के छ ?
ढुक्ढुकीमै बल्छ आगो बल्न बाँकी के छ ??
05/06/2011