गजलः बल्दा कति मजा आयो
¤आवाज शर्मा¤
अँधेरीमा अहा दीयो बल्दा कस्तो मजा आयो ।
सलेदोलाई सोधेका छौ जल्दा कस्तो मजा आयो ??
बगैचामा पुगेजस्तै उस्तै उस्तै सुवास तिम्रो ।
बतासलाई सोधेका छौ चल्दा कस्तो मजा आयो ??
अनयासै लुकी हेर्दा चोरी पक्ड्यौ म सर्माएँ ।
नजरलाई सोधेका छौ ढल्दा कस्तो मजा आयो ??
सयौँ यस्ता इशारा छन् मैले ढाँटे बुझ्यौ तिम्ले ।
बहानालाई सोधेका छौ छल्दा कस्तो मजा आयो ??
अँधेरीमा अहा दीयो बल्दा कस्तो मजा आयो ।
सलेदोलाई सोधेका छौ जल्दा कस्तो मजा आयो ??
03/06/2011
No comments:
Post a Comment