गजलः यो राज मसंग

गजलः यो राज मसँग
¤आवाज शर्मा¤

नसोधे भो मौनताको यो राज मसंग ।
म माग्दैछु खोसिएको आवाज मसंग ।।

कतै दीयो बाल्न खोज्दा सम्भावनाको ।
बन्यो आँधी फेरि उस्तै नाराज मसंग ।।

अझै जिउँदो लास जस्तै प्रहार खपूँ कि ?
दुख्यो भन्दा हाँस्छ मेरै रीवाज मसंग ।।

उज्यालै हो हिड्न जाने बाटो सहज छ ।
खबरदारी गर्छ आफ्नै अन्दाज मसंग ।।

समेली यी लाख टुक्रा सम्बेदनाका
यही छाती बन्छु भन्थ्यो कोलाज मसंग ।।

नसोधे भो मौनताको यो राज मसंग ।
म माग्दैछु खोसिएको आवाज मसंग ।।

25/06/2011