गजलः पिउँदा पिउँदै
¤ आवाज शर्मा¤
यसरी म पिउन पाऊँ साँझ ढलोस् पिउँदा पिउँदै ।
शरीर यही सडक गल्ली माझ ढलोस पिउँदा पिउँदै ।।
आफैभन्दा बलिया छन् गुम्सिएका चाहहरू ।
चिच्याएर बोल्न सकूँ लाज ढलोस् पिउँदा पिउँदै ।।
सीमाहरू समाजका भत्केका छन् लुकिचोरी ।
रहस्यका पर्दा खुलुन् राज ढलोस् पिउँदा पिउँदै ।।
जात, धर्म, पेशा, औकात हाम्रो बिचका सीमाहरू ।
त्यो पाखण्डी अभिमानको ताज ढलोस् पिउँदा पिउँदै ।।
मन्द हुँदै जाओस् 'आवाज' धिप्प बत्ती निभोस् कतै ।
मधुशाला भित्रै जीवन आज ढलोस् पिउँदा पिउँदै ।।
10/02/2011
No comments:
Post a Comment