गजलः जून चुहेको बेला
¤ आवाज शर्मा¤
मेरो आकास च्यातिएर जुन चुहेको बेला थियो ।
मेरो आशु साटिएर खुन चुहेको बेला थियो ।।
उपयोग हुँदैथिएँ उपभोग्य वस्तुसरी ।
मेरो आस्था मेटिएर गुन चुहेको बेला थियो ।।
मैले गाउने सरगम रुन्थ्यो हरेक गजलसित ।
मेरो टुङ्ना रेटिएर धुन चुहेको बेला थियो ।।
उपहारमा तौलिएर प्रित जोख्ने महफिलमा ।
मेरो धड्कन पेलिएर सुन चुहेको बेला थियो ।।
दबाइएको आवाज जब उन्मुक्तिको युद्ध रोज्थ्यो ।
मेरो विश्वास बेचिएर नुन चुहेको बेला थियो ।।
06/02/2011
No comments:
Post a Comment