गजलः कि अरू क्यै हो ?

गजलः कि अरू क्यै हो ?
¤आवाज शर्मा¤

ऊ नै तिम्रो सपनाको राजा हो कि अरू क्यै हो ?
भन्नलाई त आफ्नै भन्थ्यौ साझा हो कि अरू क्यै हो ??

पोहोर भेट्दा अर्कै थियो अहिले फेरि अर्कै रै छ ।
रुचाउँदिन बासी भन्थ्यौ ताजा हो कि अरु क्यै हो ??

उमेरमै हो बज्ने भन्दै मादलसरी बज्यौ अरे ।
भित्तातिर झुण्ड्याइएको बाजा हो कि अरू क्यै हो ??

पाक्कपुक्क मोटाइहाल्यौ उस्को संगत फाप्यो क्यारे ।
पटुकीमा पोको पार्‍या खाजा हो कि अरू क्यै हो ??

09/02/2011