गजलः नसोचेको मोड
¤ आवाज शर्मा¤
नसोचेको दुःखी मोड आयो विचारमा ।
माया गर्ने आफ्नै मुटु पर्यो सिकारमा ।।
कोपिलामा चढ्दैथियो रंग जवानीको ।
अनयासै दम्भ चढ्यो तिम्रो श्रृँगारमा ।।
कुनै मीठो धुन बज्दै थियो हृदयको ।
बज्दा बज्दै तार टुट्यो मेरो सितारमा ।।
नभेटिने दूरी बन्यो हामी दुई माझ ।
रंगिएसी पराइको टिका निधारमा ।।
सँगैसँगै तर्नु थियो खोली जिन्दगीको ।
तिमी पारी पुग्यौ एक्लै म छु किनारमा ।।
गज्जब गजल आबाज जी ।
ReplyDelete