गजलः मैले सहेँ
¤ आवाज सर्मा¤
बेला भन्दा छिटो कुद्यौ, ताते भन्यौ मैले सहेँ ।
आफै बोल्यौ सुनेँ मात्र बाते भन्यौ मैले सहेँ ।।
माग्नुमाग्यौ सके जति दिएकै हूँ
खुशीसाथ ।
तिर्नुपर्ने बेला आयो खाते भन्यौ मैले
सहेँ ।।
तिम्रा अनेक छलकपट बुझेपनि चुप बसेँ ।
आफै जान्ने बन्यौ फेरी भाते भन्यौ मैले सहेँ ।।
तिमी बिना गाह्रो भन्यौ दुख पर्दा ओत दिएँ ।
घाम पानी छलेपछि छाते भन्यौ मैले सहेँ ।।
जवानीको गाह्रो बाटो यही हातको भर
काट्यौ ।
अर्कै दह्रो भ -याङ भेट्यौ पाते भन्यौ मैले सहेँ ।।
No comments:
Post a Comment