गजलः फेर्ने हो कि !

गजलः फेर्ने हो कि !
¤आवाज शर्मा¤
॰
हामी जहाँ टेक्छौ उक्त आधार पो फेर्ने हो कि !
सोचाइको यो संकीर्ण संसार पो फेर्ने हो कि !!
॰
चल्दैछ जुन पाखण्डी र आडम्बरी सत्तामोह ।
दोषी भए सिंगै राज्य, सरकार पो फेर्ने हो कि !!
॰
त्यो जङ्गली उस्को न्याय त्यो क्रुरता त्यै आतङ्क ।
लौ मुक्ति भो भन्थ्यो फेरि तरवार पो फेर्ने हो कि !!
॰
निर्लज्ज भै निर्धो लुट्छ भन्दैछ ऊ सेवामा छु ।
राजनीतिको गन्धे रूप व्यापार पो फेर्ने हो कि !!
॰
भत्काउँदै थोत्रो रीति कोर्छौँ युगीन् नौलो चित्र
खाँचो छ यो सोँचको जीर्ण औजार पो फेर्ने हो कि !!
(मुन्सरेह)
12/06/2012