गजलः हार्नेलाई सोध
¤आवाज शर्मा¤
॰
जिन्दगीको मूल्यऽ हार्नेलाई सोध ।
भूमरीमा आफै पार्नेलाई सोध ।
॰
डुब्न सक्छन् आशा, चल्छ आँधी हूरी ।
तिर्सनाको डुंगा तार्नेलाई सोध ।
॰
प्रेमभित्रै धोका, बाध्यता वा इच्छा ?
फूलसंगै काँढा सार्नेलाई सोध ।।
॰
मर्म के हो फूलको ? धर्म के ले हुन्छ ?
पुज्छु भन्दै भैँमा झार्नेलाई सोध ।
॰
रेट्न सक्छौ घाँटी, थुन्न सक्छौ आवाज!
ढाल्न सक्छौ आस्था ? मार्नेलाई सोध ।।
SISS SS SISS SS
बहरे मदीद मक्तुअ
11/03/2012
No comments:
Post a Comment