गजलः आफू परी सयौँ टुक्रा
¤आवाज शर्मा¤
आफू परी सयौँ टुक्रा छायाँ जुट्यो यसैपाली ।
सोध्दै थिएँ म को हूँला ? ऐना फुट्यो यसैपाली ।।
दीयो बल्यो जल्यो बाती सोच्दैथिएँ ढल्यो राती ।
हूरी बन्यो निधार मेरै, आयो चुट्यो यसैपाली ।।
आफ्ना हुँदा सबै टाढा माया कतै थियो गाढा ।
नाता टुट्यो सहेकै हूँ दिऽलै टुट्यो यसैपाली ।।
छाडी कतै गए झैँ भो छाती चिरा भए झैँ भो ।
ती हात छुटे छुटून् भन्थेँ साथै छुट्यो यसैपाली ।।
हूँ भन्दथ्यो असल साथी बिश्वास थियो उसै माथि ।
जस्को परेँ भरोशामा उस्ल्यै लुट्यो यसैपाली ।।
SSIS ISSS, SSIS ISSS
बहरेः खफीफ मक्तुअ मख्बून मुदाइफ
No comments:
Post a Comment