गजलः सरकार मेरो भूल भयो

गजलः सरकार मेरो भूल भयो
¤आवाज शर्मा¤


मैले साँचो बोलेँ सरकार यही मेरो भूल भयो
मैले राज खोलेँ सरकार यही मेरो भूल भयो

भोक लाग्यो भन्दै रुँदा चोली खोल्नु परेकै हो
मैले दोषी पोलेँ सरकार यही मेरो भूल भयो

नाङ्गै हिड्नु रहर हैन, बिन्ती मैले बिसाकै हूँ
मैले सरम टोलेँ सरकार यही मेरो भूल भयो

हैन हैन रगतको रंग कहाँ एउटै छ र ?
मैले आँशु घोलेँ सरकार यही मेरो भूल भयो

युगौँयुगको दासत्वलाई भाग्य मान्न सकिनँ र
मैले युद्ध मोलेँ सरकार यही मेरो भूल भयो