गजलः यक्ष प्रश्न
¤ आवाज शर्मा¤
मुटुभित्र माटो राखी आँशु झर्यो र ?
सिङ्गो युगमा कुनै साँचो सपूत मर्यो र ?
अनेक् कुण्ठा बोक्यौँ आफ्नै छानो उधार्र्यौँ ।
आमा जस्ती देशको कसले माया गर्यो र ??
अशान्तीको आगो रोप्यौँ धर्ती जलायौँ ।
खरानीको खेतीले कहीँ सितल छर्यो र ??
आफ्नै भाइको गला रेट्यौँ पराई घुर्क्यायौँ ।
चह्र्याएको घाउमा कतै मल्हम
पर्यो र ??
घरभित्रै ब्वाँसो पाल्यौँ स्याल
धपायौँ ।
जित्यौँ भन्यौँ त्यस्तो कुनै दशा टर्यो र ??
No comments:
Post a Comment