गजलः शव्द शव्द

गजलः शव्द शव्द
¤ आवाज शर्मा¤


शव्द शव्द पग्लिएर, आँखाबाट लडेपछि ।
अझै बुझ्न सकेनौ र ? थोपा थोपा
पढेपछि ।।

तिमी भन्छौ अधर खोल, नजर मात्रै बोले किन ?
कहाँ सकेँ ऐया भन्न ? मुटुमै तीर
गढेपछि ।।

आश्वासनका मीठा मीठा, तिम्रा बाचा
आँखाभरि ।
सितलो म कता खोजूँ ? भित्री मनै
डढेपछि ।।

सतहमा तिमी खोज्छौ, व्यथा भित्रै
गढेको छ ।
कहाँ यसै निको हुन्थ्यो ? गहिरो ज्वरो चढेपछि ।।

पलपल लुटिनुको, मर्म भित्रै मर्माहत
छु ।
दुख्नुभन्दा धेरै माथि, मनको जलन
बढेपछि ।।