गजलः अझै मीठो
¤ आवाज शर्मा¤
पछ्यौरीमा जवानी त्यो लुकाएको अझै मीठो ।
लजाए झैँ परेली ती झुकाएको अझै मीठो ।।
नबोलेरै सतायौ है म रोएको निको मान्यौ ।
रिसाए झैँ रुखो बोल्दै दुखाएको अझै मीठो ।।
झुके आँखा ढल्यो सन्ध्या निशा छायो भयौ टाढा ।
दियो बाल्दै जली आत्मा सुकाएको अझै मीठो ।।
कुनै मीठो इशाराले नजिक् तान्यौ जितीहाल्यौ ।
दिई माया सबै कर्जा चुकाएको अझै मीठो ।।
तिमी आयौ उषा छायो चुम्यौ आँखा उज्यालो भो ।
बिहानी भै सबै बाधा फुकाएको अझै मीठो ।।
No comments:
Post a Comment