गजलः सम्झनाका तश्वीरहरू
¤ आवाज शर्मा¤
तिर्खाउँदा झरनाको कलकल सम्झेँ ।
लाँकुरीको चिसो हावा झलझल सम्झेँ ।।
सालको पात बजाउँदै मनका कुरा खोल्दै ।
सैँ साथीलाई भेट्नैपर्ने तलतल सम्झेँ
।।
बनपाखा मेलापात सँधै अर्म पर्म ।
नुहाइने पसिनाको खलखल सम्झेँ ।।
बिसाउँदा चौतारीमा मिठो निद्रा दिने ।
आफ्नोपना ममताको मलमल सम्झेँ ।।
पाखण्डको बजारमा बिक्रि भए पछि
कुम्भिपाक शहरको दलदल सम्झेँ ।।
सम्पत्तीले किनिएन एकै चिम्टी खुशी
जननी र जन्मभूमि पलपल सम्झेँ ।।
No comments:
Post a Comment