गजलः हाम्रा नेताहरू
¤ आवाज शर्मा¤
हाम्रा लागि गया, काँसी, मक्का हाम्रा नेताहरू
नौलो युग जन्माउने धक्का हाम्रा नेताहरू
पिण्ड पानी चलाउने बेला भा को पत्तै छैन
युवा अरे अझै जवान लक्का हाम्रा नेताहरू
अरू बेला ङ्यार्र ङुर्र कुटे झैँ र रोए झैँ छ
खानेबेला मतो मिल्ने पक्का हाम्रा नेताहरू
फुपूकै त श्राद्धे हो नि लुटे हुन्छ खाए हुन्छ
राष्ट्र हाँक्ने गाडी इन्जिन चक्का हाम्रा नेताहरू
साडी लाऊँ कि कछाड बेरौँ गाजल लाऊँ कि दारी काटौ
कुनै लिङ्ग नखुलेका छक्का हाम्रा नेताहरू
No comments:
Post a Comment