गजलः थरिथरीका

गजलः थरिथरीका
¤ आवाज शर्मा¤

फूलका आफ्नै जूनका आफ्नै जवानी थरिथरीका ।
प्रीतका आफ्नै गीतका आफ्नै कहानी थरिथरीका ।।

नीँदमा छैनन् ब्युँझने हैनन् छ पापी मद अनौठो ।
सोँचका आफ्नै रोगका आफ्नै अज्ञानी थरिथरीका ।।

सत्यको बाटो को छ खै साँच्चै हिडेको यसघडीमा ।
लोभका आफ्नै मोहका आफ्नै लगानी थरिथरीका ।।

घाउ छन् उस्तै दर्द छन् उस्तै जलेका हृदय उस्तै ।
युद्धका आफ्नै बुद्धका आफ्नै खरानी थरिथरीका ।।