गजलः ऋतुहरूमा म
¤ आवाज शर्मा¤
बसन्तमा न्याउलीसित मनको बह फुकाउछु
गृष्मसँगै खडेरीमा तृष्णा अझै सुकाउछु
अथाह यी बेदनाका कथा किन सुनाऊँ म
बर्षा हुन्छ झरी पर्छ आँशु त्यतै लुकाउँछु
आफैलाई लुटाएर हाँस्नै पर्ने कतैकतै
शरदका पर्वसँगै जीवन मोल चुकाउँछु
आफ्नै रीति जुगैभरी भोग्नु पर्ने सजायँ भो
हेमन्तका लगन सम्झी दुखेको मन दुखाउँछु
आस्था ढल्छ आत्मा ढल्छ ढल्छ आफ्नै शीर यहाँ
शिशिरका मुनासरी स्वाभिमान झुकाउँछु
No comments:
Post a Comment