गजलः कता कता
¤ आवाज शर्मा¤
रोपियो कि मनमा फेरि किलो कता कता ?
सोध्नै नपाई मुहार पार्यौ नीलो कता कता ।।
कुर्दा कुर्दै मन मरेर भैगो भन्दै थिएँ ।
हतार गरी आएँ भन्यौ ढिलो कता कता ।।
जति साह्रो जमाऊँ भन्यो विश्वासको नाता ।
खै कसरी भैदिन्छ भो गिलो कता कता ??
बहाना झन् कति थरी केही सोधौँ भने ।
बिनादोष छ्याप्यो भन्छ्यौ हिलो कता कता ।।
धरोधर्म कस्तो बेला नाता जोडिएछ ?
अप्ठेरोमा आए झै भो पिलो कता कता ।।
No comments:
Post a Comment