गजलः थिएँ र पो पिएँ
¤ आवाज शर्मा¤
तिमीभन्दा धेरै टाढा थिएँ र पो पिएँ ।
उही उदास प्यासी डाँडा थिएँ र पो पिएँ ।।
फूल झरेको रित्तो डाली जस्तै रै छु म त ।
बिषालु म रुखो काँढा थिएँ र पो पिएँ ।।
बाडुलीले झस्काइरह्यो नीँदै लाग्ने हैन ।
तिम्रो मनमा उस्तै गाढा थिएँ र पो पिएँ ।।
अनयासै पाइला बढे जहाँ मृत्यु थियो ।
मतिभ्रष्ट जब्बरसाँढा थिएँ र पो पिएँ ।।
तिमी मनमै कैद भयौ नजर अन्तै डुले ।
निर्लज्ज म गतिछाडा थिएँ र पो पिएँ ।।
06/03/2011
No comments:
Post a Comment