गजलः काली नभन
¤ आवाज शर्मा¤
तिम्रै खुशी मेरो भेना साली भन काली नभन ।
रिसाऊ बरू गाली गर जाली भन काली नभन ।।
कोइली जस्तै रुपरंग बोल्ने ढंग मन परायौ ।
तिम्रो माया फुल्छ जहाँ डाली भन काली नभन ।।
साथ दिन्छु दुःख पर्दा आँशु झर्दा पुछिदिन्छु म ।
आफ्नै घरमा जोडिएको पाली भन काली नभन ।।
दिदीले नि डाह गर्छे आँखा तर्छे नआ भनेर ।
के भनूँ र रित्तै छु म खाली भन काली नभन ।।
असिनाले चुट्ने हो कि लुट्ने हो कि पराइ आएर ।
लहलह मुसीरको बाली भन काली नभन ।।
14/03/2011
No comments:
Post a Comment