गजलः बद्लिए चाहना
¤आवाज शर्मा¤
माधुरी बास फेरियो बद्लिए फेरि चाहना
तिर्सना आज फेरियो बल्झिए फेरि चाहना
फूलमा रङ्ग पोतिँदा रङ्गियो आज जिन्दगी
मञ्जरी पुष्प फेरियो अग्लिए फेरि चाहना
प्रीतिको धुन सम्झिदा बिर्सिएँ जन्म आँगनी
रङ्गिलो मात फेरियो अल्झिए फेरि चाहना
लाजले जम्छु शीत भै बैँसको ताप रापिलो
प्रेमको अर्थ फेरियो पग्लिए फेरि चाहना
हर्षका आँशु बग्दछन् यो खुशी हेर प्राप्तिको
प्रीतिको स्वार्थ फेरियो सँग्लिए फेरि चाहना
No comments:
Post a Comment