गजलः निभेको दीयो
¤ आवाज शर्मा¤
निभिसक्यो दीयो अब तेल थप्नु किन ?
हारिसके पछि फेरि खेल थप्नु किन ??
जिन्दगी नै हरेक अर्थ कैदसरी भए ,
घाउ बल्झाइ सम्झनाको नेल थप्नु किन ??
आफैलाई ढाँटेकोछ आफ्नै नियतीले ।
त्यसैमाथि फेरि अर्को झेल थप्नु किन ??
थाहा छैन कहाँ पुग्ने कहा पुगिएछ ?
मझधारमा फँसेकैलाई भेल थप्नु किन ??
चाहनाका 'आवाज'हरू भित्रै गुम्सेका छन् ।
आफ्नै मन फाँसी भए जेल थप्नु किन ??
03/02/2011
No comments:
Post a Comment