गजलः र ऊ मर्‍यो

गजलः र ऊ मर्‍यो
¤आवाज शर्मा¤
॰
सबै भन्थे केही पियो र ऊ मर्‍यो ।
म बुझ्थेँ ऊ भोकै थियो र ऊ मर्‍यो ।।
॰
सहेकै हो छाती भरी अभाव त ।
गढ्यो आशै छेड्ने सियो र ऊ मर्‍यो ।।
॰
भुले तिनले ऊबाट जो उज्यालिए ।
सलेदो भै बाल्यो दियो र ऊ मर्‍यो ।।
॰
लडे जित्छौँ हर युद्धमा रहर छरे ।
त्यही भ्रान्ती फल पर्खियो र ऊ मर्‍यो।
॰
गरीबीले आवाज दब्यो र तड्पियो ।
सँधै यस्तै मर्दै जियो र ऊ मर्‍यो ।
ISSS SSI S ISIS
बहरेः हजज मुसम्मन अखरब अबतर मक्बूज
ISS SSS ISI SIS
तबील अखरम मक्बुज अस्तर
26/04/2012