गजलः सयौँ घुम्ती
¤आवाज शर्मा¤
सयौँ घुम्ती उकालो हो मेरो जिन्दगी ।
हरेक मोड्मा भिरालो हो मेरो जिन्दगी ।।
॰
उज्यालोमा रमाउँऽछौ के बुझ्छौ र खै ?
हूरी चल्दा दियालो हो मेरो जिन्दगी ।।
॰
तिमी आफ्नो खुशी भेट्छौ जल्दाखेरि म ।
म बाती हूँ उज्यालो हो मेरो जिन्दगी ।।
॰
छु खोज्दैमा हराएको आफ्नै स्वाभिमान् ।
र आफैमा तुँवालो हो मेरो जिन्दगी ।।
॰
कठै भन्दै छुरा धस्ने मेरै छातीमा ।
पराईको अँगालो हो मेरो जिन्दगी ।।
ISSS ISSS SS SIS
बहर: मुजारे महजुफ अखरम
28/04/2012
No comments:
Post a Comment